भाटीकर मॉडल हायस्कूल घोगळ मडगांव, हांणी पालक-शिक्षक संघ प्राथमीक वर्ग हांच्या आदारान एकांकिका महोत्सव 18 जुलय, 2023 ह्या दिसा मनयलो.
महोत्सवाक विद्यार्थ्यांची स्वलिखीत, स्वनिर्देशीत “Walk Like A Man” आनी “Life” ह्यो दोन एकांकिका जांकां “Theatro Fiesta” आंतर विभागीय एकांकीय सर्तींत अनुक्रमान पयलें आनी दुसरें इनाम फावो जाल्ल्यो एकांकिका सादर जाल्यो. ह्या महोत्सवाच्या निमतान ह्या दोनूय एकांकिकांच्या प्रतिचें उक्तावण जालें. तशेंच विज्ञान एकांकिका सर्तीत गौतम अनंत गावडे लिखीत आनी दिग्दर्शित राज्य पावंड्यावयलें पयलें जोडपी “कल आज कल” ह्या एकांकिकेचेय सादरीकरण जालें.
एकांकिका महोत्सवाक कला आनी संकृती संचालनालयाचे संचालक श्री. सगूण वेळीप मुखेल सोयरे म्हणून उपस्थीत आशिल्ले. तशेंच माचयेर शाळेचे मुख्याध्यापक श्री. भास्कर वेर्लेकर, उप-मुख्याध्यापिका श्रीमती मनिशा धुमे, प्राथमीक वर्गाच्यो वेवस्थापिका श्रीमती अंजू कामत, शिक्षिका श्रीमती रती भाटीकर, पालक शिक्षक संघाचे वांगडी श्री. अजीत गांवकर, तशेंच शाळेचे नाट्य शिक्षक श्री. गौतम अनंत गावडे हाजीर आशिल्ले. कार्यावळिचे सुत्रसंचालन शिक्षिका दिपाली नाईक हांणी केलें.